जनकपुरधाम ।
सिरहाको एक युवक संघिय राजधानी काठमाडौँबाट बेपत्ता भएको छ । दुई महिना अगाडी सिरहा कल्याणपुर नगरपालिका –३ ईटारी प्रसाहीका २० वर्षिय अरूणकुमार शर्मा काठमाडौंबाट बेपत्ता भएका थिए ।
एमबीबीएसको तयारी कक्षाका लागि काठमाडौँ पुगेका अरुण गत असार २५ गते नै बेपत्ता भए पनि प्रहरी प्रशासन भने उनको खोजी गर्न सकेको छैन । छोरा बेपत्ता भएको पीडाका कारण बुवा पुष्पलाल ठाउँ ठाउँ छोरो खोज्न भौतारी रहेका छन् । बेपत्ता अरुणका भाई शशि ठाकुरले भाईलाई खोजि दिन प्रहरीमा उजुरी समेत दिएका छन् । तर प्रहरी प्रशासनबाट असहयोग पाईरहेको उनले आरोप लगाए । ठाकुरले भने ‘ एउटा नेताको छोरा बेपत्ता भएको भए सरकारले सबै शक्ति परिचालन गरेर उही बेला फेला पारि सकेको हुन्थ्यो, तर एउटा निमुखा जनताको छोरा राजधानी बाट बेपत्ता भएको महिनौँ हुँदा समेत अत्तो पत्तो छैन ।’
बेपत्ता युवकको खोजी भईरहेको मोबाइल स्वीच अफ रहेकाले खोजीमा समस्या भईरहेको जनाएको छ ।
