जनकपुरधाम
याज्ञवल्क्य लक्ष्मीनारायण विद्यापीठ(क्याम्पस) मटिहानीका प्राचार्य वीरेन्द्रलाल कर्णलाई विद्यापीठको मेसमा खानमा रोक लगाइएको छ । विद्यार्थीहरुको मेसमा निशुल्क रुपले प्राचार्य कर्ण खाइरहेका थिए । विद्यार्थीहरुको छात्रवृति रकमवाट सो मेस सञ्चालन हुँदै आएको छ ।
विद्यार्थीहरुले शुरुमा मेसमा नखान प्राचार्यलाई आग्रह गरेका थिए तर उहाँले नमानेपछि विद्यार्थीहरुले खाना खान मेसमा पुगेको बेला त्यहाँबाट निकाली दिएका छन् । विद्यार्थीको लागि छात्रवृति रकमको पैसावाट मेस सञ्चालन हुँदा प्राचार्य खाइरहेकाले कर्मचारी, शिक्षकहरुले समेत आलोचना गर्दै आएका थिए तर उहाँले यसको प्रवाह बेगर केही वर्षदेखि त्यहाँ खाँदै थिए ।
विद्यार्थीको मेसमा किन खाना खाएको र मेसबाट निकालिएको कारण सम्बन्धमा प्राचार्य कर्णसँग पटक–पटक मोबाइलमा फोन गर्दा उहाँले उठाउनु भएन ।
