जनकपुरधाम
मधेश स्वास्थ्य विज्ञान प्रतिष्ठान जनकपुरधाममा एमबीबीएसको पढाइ हुने भएको छ । सो पढाइका लागि चिकित्सा शिक्षा आयोगले ५० वटा कोटा निर्धारण गरेको छ ।
सो कोटा निर्धारणका लागि आयोगको आजै बसेको बैठकमा निर्णय भएको जानकारी आयोगका कार्यकारी उपाध्यक्ष डा. अञ्जली झाले मोडेल खबरलाई दिएका छन् ।
मधेश स्वास्थ्य विज्ञान प्रतिष्ठानका उपकुलपति डा. अंकुर साहले एमबीबीएसको पढाइ हुने निर्णयले जनकपुरधामको गोरव बढेको बताए । यसले एकातिर पढाइ हुनेछ भने अर्कोतर्फ अस्पतालको स्वास्थ्य सेवामा सुधार हुने उहाँको कथन रहेको छ ।
सरकारीतवरमा पहिलोपल्ट पढाइ हुनेछ । यसका लागि डा. साहले जनता, प्रदेशका सरकार र संघीय सरकार सबैलाई बधाइ दिनुभएको छ ।
