एजेन्सी ।
भारतीय राज्य उत्तर प्रदेशमा ब्वाँसाको आक्रमण बढ्दै गएपछि सरकारले गोली हान्न आदेश जारी गरेको छ । प्रमुख वन संरक्षक (वन्यजन्तु) ले जारी गरेको आदेशमा पछिल्लो दुई महिनामा ब्वाँसोले आठ गाउँमा आठ जनाको ज्यान लिएको उल्लेख छ ।
यो घटना उत्तर प्रदेशको बहराइच जिल्लामा भएको हो । हिंस्रक ब्वाँसाको आक्रमणले स्थानीयमा त्रास फैलिएको छ । ब्वाँसाको पक्रिन नसकेपछि अहिले ‘मार्ने आदेश’ दिइएको हो । यसका लागि तीनजना सशस्त्र प्रहरी खटाइएको छ ।
राष्ट्रिय वन्यजन्तु संरक्षण ऐन, १९७२ को धारा ११ (१) ए द्वारा प्रदत्त अधिकारको प्रयोगमा यो आदेश जारी गरिएको बीबीसी हिन्दीले जनाएको छ ।
