जनकपुरधाम ।
पूर्व उपप्रधानमन्त्री एवं नेपाली कांग्रेसका नेता विमलेन्द निधिको उपस्थितिमा पार्टी प्रवेश कार्यक्रम आज सम्पन्न भएको छ । धनुषाको नगराइन नगरपालिका वडा ८ खिरखिरियामा भएको कार्यक्रममा नेकपा एमाले, जनमत, जसपा र लोसपा लगायतका पार्टी परित्याग गरी ६० जना नेपाली कांग्रेसमा प्रवेश गरेका छन् ।
नगराइन नगरपालिकाका प्रमुख विनय यादवको अध्यक्षतामा भएको सो समारोहमा पूर्व उपप्रधानमन्त्री निधि, पूर्व मन्त्री एवं कांग्रेस नेता रामसरोज यादव, जिल्ला अध्यक्ष योगेन्द्र पजियार लगायतका वक्ताहरुले बोल्नुभएको थियो ।
