जनकपुरधाम ।
जनकपुरधाम उद्योग वाणिज्य संघको अध्यक्ष पदकालागि ३ जनाको उम्मेदवारी परेको छ । जउवा संघको नयाँ नेतृत्वकालागि भदौ २९ गते हुने निर्वाचनकालागि निवर्तमान बरिष्ठ उपाध्यक्ष जितेन्द्रप्रसाद साह, निवर्तमान उपाध्यक्ष सुरेन्द्र भण्डारी र वर्तमान बरिष्ठ उपाध्यक्ष मनिषरमण साहले उम्मेदवारी दर्ता गराएका हुन् ।
सुरेन्द्र होटेल व्यवसायी हुन भने जितेन्द्र अल्मुनियम र मनिष ज्वेलरीको व्यापार गर्छन । जितेन्द्र यस अघि बरिष्ठ उपाध्यक्ष भएर जनकपुरधाम उद्योग वाणिज्य संघको नेतृत्व सम्हालि सकेका छन् भने पछिल्लो निर्वाचनमा अध्यक्ष पदमा पराजित भएका थिए । भण्डारी सदस्य, महासचिव तथा उपाध्यक्ष भएर काम गरिसकेका छन् । त्यस्तै मनिष वर्तमान कार्यकाल बरिष्ठ उपाध्यक्ष भएर उद्योग वाणिज्य संघको नेतृत्व पंक्तिमा रहेर काम गरेका छन् ।
यता अन्य पदकालागि उम्मेदवारी दर्ता अहिले पनि जारी रहेको निर्वाचन समितिका संयोजक ललित साहले जानकारी दिए ।
