जनकपुरधाम ।
धनुषाको क्षिरेश्वरनाथ नगरपालिकाको महेन्द्रनगरस्थित नेपाल आयल निगमको डिपोमा एक जनाको हत्या भएको छ । हत्या हुनेमा सिरहाको सिरहा नगरपालिका ३ मखनाहाका ४० वर्षीय राकेश बर्मा छन् । उनी ज्यालादारीमा कर्मचारी थिए ।
आयल निगमको एउटा कोठामा वादविवादको क्रममा उनको हत्या भएको इलाका प्रहरी कार्यालय महेन्द्रनगरले जनाएको छ । घटनामा संलग्न भएको भन्दै प्रहरीले एक जनालाई पक्राउ गरेको छ ।
