एजेन्सी ।
भारत पश्चिम बंगाल राज्यको कोलकातास्थित आरजी कर मेडिकल कलेजमा महिला डाक्टरको बलात्कार तथा हत्याविरुद्ध जारी प्रदर्शनका बीच पश्चिम बंगालकी मुख्यमन्त्री ममता बनर्जीले आफ्नो सरकारले बलात्कारीलाई मृत्युदण्ड दिने विधेयक ल्याउने बताएकी छन् ।
आगामी साता संसद् बैठक बोलाएर बलात्कारीलाई मृत्युदण्डको सजाय दिने गरी १० दिनभित्र विधेयक पारित गरिने उनको भनाइ छ ।
मुख्यमन्त्री बनर्जीले भनिन्, ‘यसपछि हामी यो विधेयक गभर्नरलाई पठाउनेछौँ । यदि उउनले विधेयक स्वीकृत गरेनन् भने हामी राजभवनबाहिर आन्दोलन गर्नेछौँ । यो विधेयक पारित गर्नुपर्छ र यसपटक उनले आफ्नो जिम्मेवारीबाट पन्छिन मिल्दैन ।’
कोलकातास्थित आरजी कर मेडिकल कलेज अस्पतालमा पोस्ट ग्र्याजुयट गरिरहेकी प्रशिक्षार्थी डाक्टर अगस्ट ९ मा अस्पतालकै सेमिनार हलमा मृत भेटिएकी थिइन् ।
