काठमाडौँ ।
नेकपा (एकीकृत समाजवादी)को वरिष्ठ उपाध्यक्षमा राजेन्द्र पाण्डे सर्वसम्मत चयन भएका छन् । निर्वाचनको तयारी गरिए पनि घनेन्द्र बस्नेतले उम्मेदवारी फिर्ता लिएपछि पाण्डे मंगलवार सर्वसम्मत चुनिएका हुन् । उनी यसअघि पार्टी उपाध्यक्ष थिए । पाण्डे प्रतिनिधिसभामा एकीकृत समाजवादीका संसदीय दलको उपनेतासमेत हुन् ।
मंगलवार नै एकीकृत समाजवादीमा सात उपाध्यक्ष, चार उपमहासचिव र सात सचिवका लागि निर्वाचन हुँदैछ । अध्यक्ष, महासचिव र सम्मानित नेता भने यसअघि नै पार्टी महाधिवेशनबाट चुनिएका थिए ।
