जनकपुरधाम ।
राजेन्द्र महतो नेतृत्वको राष्ट्रिय मुक्ति क्रान्तिले राष्ट्रिय समितिको घोषणा गरेको छ । राष्ट्रिय मुक्ति क्रान्तिले ३५१ जनाको राष्ट्रिय समितिको घोषणा गरेको हो ।
यसअघि राष्ट्रिय मुक्ति क्रान्ति घोषणा गर्दा राजेन्द्र महतोलाई संयोजक बनाइएको थियो । अरू सबै साधारण सदस्य थिए । राष्ट्रिय मुक्ति क्रान्तिमा संयोजकबाहेक अरू सबै सदस्य रहनेछन् । अन्य पदहरू भने सिर्जना नगर्ने राष्ट्रिय मुक्ति क्रान्तिले जनाएको छ ।
समितिले एउटा गोलमेच सम्मेलनको आयोजना गरी कार्तिक मसान्तसम्म एउटा पार्टी निर्माण गर्ने राष्ट्रिय मुक्ति क्रान्तिले जनाएको छ । पार्टी बने पनि राष्ट्रिय मुक्ति क्रान्ति एउटा अभियानको रूपमा रहिरहने बताइएको छ ।
