सुजीत कुमार झा
जनकपुरधाम
होटेल संघ नेपाल मधेश प्रदेशका अध्यक्ष सुरेन्द्रलाल श्रेष्ठले होटेल व्यवसायका लागि मधेश प्रदेश राम्रो वातावरण भएको स्थान रहेको बताउनुभएको छ । नेपाल आउने पर्यटक जानकी मन्दिर, गढीमाइ, सखड़ा सहितका धार्मिक स्थान घुम्न चाहन्छन् यो कुरो अन्य प्रदेश भन्दा यहाँको लागि विशेष रहेको उहाँको कथन रहेको छ ।
मोडेल खबरसँग कुरा गर्दै अध्यक्ष श्रेष्ठले धार्मिक पर्यटनलाई बढाएर यो प्रदेशलाई पाल्न मात्र होइन देशको अर्थतन्त्रमा समेत ठूलो योगदान पर्यटक बढ़ोतरीले दिनसक्छ बताउनुभयो । अन्य व्यवसायको तुलनामा यसमा फाइदा देखिएपछि यो क्षेत्रका लगानीकर्ता हौसिएका छन् । वीरगञ्जका नाम चलेका पुजन होटेलका सञ्चालक समेत रहेका श्रेष्ठले केही वर्षयता मधेश प्रदेशमा बढ़ी होटल खुली रहेको पछाडी बाहरी र आन्तरिक पर्यटक नै रहेको उल्लेख गर्नुभयो । नेपाल आउने अधिकांश पर्यटक मधेश प्रदेश आउन चाहन्छन् यो सत्यलाई हामीले बुझीरहेको उहाँले थप्नुभयो । पर्यटनमार्फत नेपालमा आर्थिक परिवर्तन सम्भव भएकाले व्यवसायिक वातावरण निर्माणमा सघाउन उहाँले आग्रह गर्नुभयो ।
कोभिड–१९ महामारीले शिथिल बनेको मुलुकको पर्यटन क्षेत्र विस्तारै लयमा फर्किने क्रममा छ । पर्यटकको आगमन बाक्लिएसँगै नेपाली होटेलहरूको व्यापार पनि फस्टाउँदै गएको छ । पछिल्लो समय विदेशी पर्यटकको चहलपहल वृद्धि हुँदै गएको छ । नेपालमा घुम्न आउने विदेशी पर्यटकको सङ्ख्या बढ्दै गएपछि नेपालमा सञ्चालित होटेलहरूको व्यापारले पनि गति लिन थालेको हो ।
महामारीपछि पर्यटक आगमनदर सुध्रिएको छ भने पर्यटकीय गतिविधि पनि बढेको छ । राजधानी काठमाडौँ, पोखरा, चितवन, लुम्बिनी, जनकपुरधाम, वीरगञ्ज तथा चर्चित पदयात्रा गन्तव्यमा उल्लेख्य संख््यामा पर्यटक गएका छन् । ‘अब होटलहरुले समेत पर्यटकीय प्रचार प्रसारका लागि बजारीकरण गर्नुपर्छ । उहि पुरानो ढाँचाले त अब होटलहरु संचालन गर्न सकिदैन,’ उहाँको सुझाब रहेको छ । संघले पनि यसकुरोमा जोडदिइरहेको हुन्छ । ‘हरेक बैठकमा हामी होटेललाई कसरी अझै सुधार्न सकिन्छ त्यसमा छलफल गर्ने गरेको,’ उहाँले बताउनुभयो ।
‘प्रदेश सरकारको कामकाज प्रभावकारी अहिले नभएपनि पछि यसको सुधारमा योगदान दिने कुरोमा आफू आशावादी रहेको’ एक प्रश्नको जबाफमा उहाँले उल्लेख गर्नुभयो ।
