जनकपुरधाम ।
बंगलादेशमा हिन्दु समुदायमाथी भईरहेको दमन बिरुद्ध हिन्दुवादी संगठनहरुले जनकपुरधाममा प्रदर्शन गरेको छ । नेपाल अन्तर्राष्टिय कृष्णभावनामृत संघको अगुवाईमा बंगलादेशमा हिन्दु समुदायमाथी भईरहेको दमन बिरुद्ध प्रदर्शन गरिएको हो । जनकपुरधामको रेल्वे स्टेशनबाट निस्किएको प्रदर्शनसहितको रैली नगरको विभिन्न भागको परिक्रमा गरेको थियो । प्रदर्शनमा वी वान्ट जस्टिस, सेभ बंगलादेशी हिन्दु सहितको प्ले कार्ड बोकेर प्रदर्शन गरेका थिए । प्रदर्शनकारीहरुले जनक चोकस्थित रहेको भगवान हनुमानको झण्डा फेरेर नयाँ झण्डा लगाएको छ । बंगलादेशमा शेख हसिनाको सत्ताबाट बहिर्गमन भएपनि त्यहाँ हिंसा रोकिएका छैनन् । त्यहाँका मन्दिरहरुमा तोडफोड गरिएको छ । हिन्दु मन्दिर तथा हिन्दु समुदायको रक्षाका लागि अगाडी आउन विश्व समुदाय समक्ष उनीहरुले अपिल गरेका छन् ।
