जनकपुरधाम ।
अन्तर्राष्ट्रिय युवा दिवसको अवसरमा जनकपुरधाममा रैली निकालिएको छ । युवा खेलकुद तथा समाजकल्याण मन्त्रालय मधेश प्रदेशको आयोजनमा भएको सो रैलीमा गैरसरकारीसंस्थाका प्रतिनिधि, युवा, विद्यार्थी लगायतको सहभागिता रहेको थियो ।
स्थानीय रेल्वेस्टेशनवाट निकालिएको सो रैली भानु चोक, शिव चोक हुँदै जनक चोकमा पुगी सम्पन्न भएको छ । रैलीको समापन समारोहमा जसपाका मधेश प्रदेशमा प्रमुख सचेतक रहेका रामअशिष यादवले लक्ष्य प्राप्तिका लागि युवाहरुले परिकल्पना, योजना, संघर्ष, समपर्ण र जुनुन देखाउनुपर्छ बताए ।
मन्त्रालयका अधिकृत निशा कर्णको अध्यक्षतामा भएको सो समारोहमा सेभ दी चिल्ड्रेनका प्रतिनिधि विजय झा लगायतले आफना धारणा राखेका थिए ।
सो अवसरमा जनक चोकमा रक्तदान कार्यक्रम पनि गरिएको छ ।
