एजेन्सी ।
ओलम्पिकको ३३ औँ संस्करण पेरिस २०२४ समापन भएको छ । समापन समारोहमा खेलकुद, चलचित्र र सङ्गीत क्षेत्रका स्टारहरू एकसाथ देखिए ।
मोटरसाइकलमा प्रस्थान गर्नु अघि अभिनेता टम क्रुज अमेरिकी सहर लस एन्जलसलाई हस्तान्तरण गरिने ओलम्पिक झन्डा सङ्कलन गर्न स्टा डे फ्रान्सको छतबाट ओर्लिए, जहाँ सन् २०२८ मा अर्को संस्करण आयोजना हुनेछ ।
रेड हट चिली पेपर, बिली आइलिस, स्नुप डग र डा ड्रे लगायतले कार्यक्रममा प्रस्तुति दिए । आफ्नो समापन भाषणमा, अन्तर्राष्ट्रिय ओलम्पिक समिति (आईओसी) अध्यक्ष थोमस बाचले यसपटकको ओलम्पिक ‘सनसनीपूर्ण’ रहेको बताए । २६ जुलाई मा सिने नदीको किनारमा उद्घाटन समारोहबाट सुरु भएको खेलहरूमा सहयोग गर्ने ४५ हजार स्वयंसेवकहरूको लागि पनि विशेष प्रशंसा गरिएको थियो ।
अमेरिकाले अन्तिम पदक तालिकाको शीर्ष स्थान कब्जा जमायो । अमेरिकाले ४० स्वर्ण, ४४ रजत र ४२ कांस्य पदकसहित कूल १ सय २६ पदक जित्यो । उता, चीनले पनि समान ४० स्वर्ण पदक जिते पनि उसको कूल पदक ९१ मा सीमित रह्यो । चीनले २७ रजत र २४ कांस्य हात पा¥यो ।
तेस्रो स्थानमा रहेको जापानले कूल ४५ वटा पदक जित्यो । यसमा २० स्वर्ण, १२ रजत र १३ कांस्य पदक समावेश छन् । यस्तै, १८ स्वर्ण पदकसहित अस्ट्रेलिया चौथो स्थानमा रह्यो । टोलीले १९ रजत र १६ कांस्य पदकसहित कूल ५३ वटा पदक जित्यो । आयोजक फ्रान्सले पाँचौँ स्थान कब्जा गर्न सफल भयो । फ्रान्सले १६ स्वर्ण, २६ रजत र २२ कांस्यसहित कूल ६४ वटा पदक हात पा¥यो ।
अब सन् २०२४ को प्यारालम्पिक फ्रान्सको राजधानीमा २८ अगस्टदेखि ८ सेप्टेम्बरसम्म हुनेछ ।
